العناية الشخصية للبنات في غزة: معركة يومية وسط ظروف الحرب القاسية
من 11 شهر والحرب في غزة مستمرة، والبنات فيها عم بيعانوا من صعوبة بالغة في موضوع العناية الشخصية. العناية الشخصية شي أساسي لأي بنت، بس في غزة الموضوع صار زي التحدي. فش كهربا، والمي نادراً ما توصل، وهذا بيخلي أبسط الأمور، زي الاستحمام أو حتى العناية بالشعر والبشرة، مهمة شبه مستحيلة.
عايشين بالخيام وسط الغبار والرمل بيدخل كل مكان، وهذا طبعاً بيأثر على النظافة الشخصية، وبيزيد من الالتهابات والمشاكل الجلدية. البنات مش بس عم بيواجهوا القصف والخوف، كمان عم بيحاربوا عشان يحافظوا على نظافتهم وصحتهم في ظروف غير إنسانية.
غير هيك، منتجات العناية الشخصية زي الشامبو والصابون والمواد الصحية النسائية قليلة أو منعدمة بالسوق، والأسعار خيالية إذا توفرت. البنات بتضطر تلجأ لبدائل بسيطة ومتواضعة، زي استخدام المواد الطبيعية زي زيت الزيتون أو الأعشاب المحلية، بس حتى هاي الأمور صارت صعبة المنال.
وسط هالمعاناة اليومية، البنات في غزة بيثبتوا إنهم صامدين وقويين، وبيكافحوا عشان يحافظوا على كرامتهم وصحتهم رغم كل الظروف.
Comments
Post a Comment