حياة الخيمة: عَ قَدّ الحال بس مليانة حياة
الخيمة بالنسبة إلنا مش بس شريطة كبيرة، هي بيت بكل تفاصيله ع قد الحال. فيها فرشات وحرامات، مطبخ بسيط مكوّن من كم علبة فول وبزيلا، وشوية خبز وزيت، اللي دايمًا بيكون محور معارك يومية بين أمي وإحنا. الغريب إنّها بتحوي كل إشي، من حمام لغرفة ضيوف، حتى لو مش فاهمين كيف!
وما ننسى كوم الشناتي اللي فيهم لبس بسيط، وصحون حديد بنستخدمهم للأكل. المي موزّعة: واحدة للشرب وواحدة للغسيل، وجنبها حفلة شحن تلفونات وأضوية. ع قد ما هي بسيطة، لكنها بالنسبة إلنا فلة خمس نجوم، مليانة ضحك وصراخ وذكريات بتعيش معنا العمر.
Comments
Post a Comment