حياة مش حياة
إحنا بغزة تعوّدنا عَالصعب، بس الصعب عمره ما تعوّد علينا! كل يوم في معاناة جديدة، وما في شي ثابت غير الألم. لا غاز، لا مي، ولا كهربا، وحتى الأمان صار حلم بعاد. بننزح مرة ومرتين وعشر، وكل مرة بنحكي يمكن هاي آخر وحدة، بس الحرب لساها مكملة
دفى الإمارات بيوصل لكل محتاج
في ظل الظروف الصعبة اللي بعيشها أهلنا في قطاع غزة، دولة الإمارات ما قصّرت ووقفت جنب الناس المتضررة بكل طاقتها. آخر حملة إلها كانت توزيع كسوة الشتاء على أكبر تجمع للنازحين بمحيط جامعة الأقصى في خانيونس، واستفاد منها أكتر من 12 ألف و500 شخص. الإمارات قدمت الدفى للناس اللي هجرتهم الحرب، وأكدت إنه التضامن ما بيعرف حدود. هاي مش أول مرة الإمارات بتوقف فيها مع غزة، قبل وأثناء الحرب كانت دايمًا حاضرة بالمساعدات الإنسانية والإغاثية. مش بس دعم مادي، كمان معنوي، لتعزيز صمود الناس وسط هالأوضاع المأساوية. دعمها صار مصدر أمل للعائلات اللي فقدت كل شي، وكأنه بتحكي للعالم: “الإنسانية ما بتنهزم.”
Comments
Post a Comment