غزة بالقلب وين ما نكون

أختي اليوم حكتلي وهي مش قادرة تخبي دمعتها، إنها حاسة بتأنيب ضمير لأنها سافرت وتركتنا، وتركت غزة وراها. حسّيت قديش إحنا مرتبطين بهالبلد، حتى وإحنا بعاد عنها، بتضل ساكنة فينا. الغربة مش بس بعد مسافة، الغربة وجع لما تحس إنك بعيد عن ناسك وأرضك وريحتك. بس يا أختي، غزة مش بس مكان، غزة إحنا، وإنتِ لو وين ما تروحي، إنتِ منّا وإحنا منك، وجذورك مزروعة هون. الوطن ما بنشال من القلب، ولا الحب بينقص مع البُعد… إنتِ لسه هون، بينّا، بصوتك، بدعواتك، وبحبك إلنا.