ولا شي قبل الطوفان وبعد الطوفان

قبل الطوفان كنا ناس عايشين عادي. عنا أمل، عنا أحلام، يمكن تعبنين، يمكن الحياة مش سهلة، بس كنا نحاول. كنا نشتغل، نضحك، نحب، ونحلم بمستقبل إلنا ولأولادنا.

بس بعد الطوفان… كل إشي تبدل. مش بس البيوت اللي طاحت، ولا الشوارع اللي اتسوّت تراب، حتى إحنا جواتنا انهدمنا. صرنا نعد الأيام، نعد الخساير، نعد الناس اللي راحوا وما رجعوا. الطوفان ما خلى لا قلب ولا حجر إلا وكسّره.

ومش عارفة، مين أعطاه الحق؟ مين سمح له يدمر بلد، وحياة، ومستقبل؟ بأي منطق، بأي ضمير، بيقرر إنه يمحي حياة كاملة من الوجود؟ لا سامحه الله، والله لا سامحه، على كل دمعة، على كل خيبة، على كل حلم انسحق تحت الركام.

إحنا مش ضحايا أقدار، إحنا ضحايا ظلم. واللي صار مش طبيعي، ولا لازم نعتبره جزء من الحياة. بعد الطوفان لازم نظل نذكر، مش بس شو خسرنا، بس كمان مين خسرنا، ولمين لازم نحاسب.