غزة قبل العاصفة: لما كانت الزحمة حياة مش وجع

 هاي الصورة من شارع الكورنيش في غزة قبل ٣ سنين، كانت الدنيا غير، رغم الحصار والهمّ، بس الناس لسا بتروح وبتيجي، الشوارع مليانة حياة وزحمة وناس بتحاول تعيش وتتمسك بشوية أمل.

الكورنيش كان متنفس للغزاويين، الكل بييجي عليه عشان يغيّر جو، يشم هوا، يطلع من جو الحرب والقهر. كانت الغروب تطل عالبحر، والناس حوالينك تضحك، تحكي، وتنسى شوي وجع الأيام.

اليوم الصورة غير، الشارع نفسه يمكن موجود، بس الروح مش زي قبل، الحرب خنقت كل إشي، حتى الزحمة صارت وجع، مش حياة. والله يرحم أيام الكورنيش اللي كانت بتحملنا من التعب ولو لساعة.