لقمة العيش بغزة.. صارت حلم!
لقمة العيش بغزة.. صارت حلم!
الحصول على الأكل بغزة صار معركة يومية! الناس بتفيق الصبح مش عارفه شو بدها تطبخ، ولا إذا في شي تطبخه أصلاً. الخضرة غالية، اللحمة والرز والسكر يمكن بس بالأحلام، والخبز مرات بتضطر تستناه بالساعات، وإذا لقيته، بتكون الكمية محدودة.
الأهالي صاروا يتشاركوا كيلو بندورة أو بطاطا عشان يطبخوا شي يسد الجوع، وكل يوم بيمر بنقول الحمد لله إنو ضل فيه لقمة نأكلها. في كتير بيوت بتعيش على وجبة وحده باليوم، أو حتى بيمشوا على كاسة شاي وكم رغيف. والحرب خلت الوضع أسوأ، لا في شغل، ولا دخل، والمساعدات مش دايمه.
بس رغم هيك، الغزّيين رافعين راسهم، وبيحاولوا يعيشوا بكرامتهم، وبيضلوا يضحكوا، حتى لو قلبهم موجوع من الجوع.
Comments
Post a Comment