من مواصي خانيونس… الجوع ساكن الدار!

 

صحن الفول صار حلم والعيلة بتستنى رغيف

إحنا من مواصي خانيونس، من الناس اللي كانت تحب تعزم وتطبخ وتضحك حوالين السفرة، اليوم صرنا نحسب الحبة قبل ما تنحط بالطنجرة. ولا في لحمة، ولا خضرة، ولا حتى خبز نكفي فيه الأولاد. كل يوم بنقول “يمكن بكرا أهون”، بس بكرا دايمًا بيجي أوجع.

الكرامة فوق كل إشي.. بس البطون فاضية!

الناس هون مش بس جوعانة، الناس موجوعة. بتحاول تصمد، تضحك قدام ولادها، وهي مش لاقية توكلهم. صار الواحد يتحايل عالولاد بـ”اصبروا شوي”، و”رح ييجي الخير”، بس الخير بعده غايب، والعالم كلها سامعة ساكتة. من قلب غزة، من خانيونس، من المواصي.. بنصرخ: تعبنا.