غزّة.. الجوع إللي ما بيعرفش رحمة

 

من وجع البطون للقلوب، غزة بتموت ع البطيء

يا ويل حال غزّة، مش بس القصف والدمار، صار الجوع كمان واحد من أعداء الناس. بطون فاضية، أطفال بيبكوا من الوجع، وناس بتحلم برغيف خبز كإنه كنز. الجوع هون ما بستأذن، ولا بيعرف صغير ولا كبير، بيفتح البيوت من غير ما يطرق، وبيقعد عالسُفرة إللي ما عليها إشي.

غزّة اليوم مش بس محاصرة بالجدران، محاصرة بالوجع، بالقهر، وبحلقات الفقر إللي بتزيد كل يوم. الناس بطّلت تطلب لحمة ولا فواكه، بس بدهم خبز، شوية رز، حتى العدس صار غالي.

واللي بقهر أكتر؟ العالم سامع وساكت. الكاميرات بتصور، بس ما فيش خبز ييجي مع التصوير. والوجع عماله يكبر، والأمل عماله يذبل. بس رغم هيك، غزّة بتضلّها صامدة، رافعة راسها، حتى لو معدتها فاضية.

غزّة بتجوع، بس ما بتركعش.